Mir wëllen op dëser Platz dem Lëtzebuerg Journal an dem Jeff Karier nach emol en grousse Merci soe vir dee flotten Artikel, deen en Samschden am Journal an och op hirem Internetsite publizéiert gouf.
Vir den Dartssport zu Lëtzebuerg ass dat sécherlech eng gutt Reklamm, a bitt domat och Méiglechkeet nach méi Léit vir eise flotten an interessante Sport ze begeeschteren.
Deen den Artikel nach net gelies oder gesi sollt hunn:
http://www.journal.lu/top-navigation/article/mit-hoher-praezision/
Um Weekend vum 20. a 21. Oktober stoung deen zweeten europäesche Ranking vun der European Dart Union um Programm. De Ranking gouf zu Podčetrtek a Slowenien gespillt an vun der Slowenescher Federatioun organiséiert.
Gespillt gouf an enger grousser Sportshal mat 40 Apparater, an et sinn insgesamt
8 verschidden Turnéier gespillt ginn.
Un dësem zweeten Highlight vun der EDU Saison hunn och ganz vill letzeboier Spiller aus eiser Federatioun den Wee an Slowenien op sech geholl vir sech mat deenen aneren europäesche Spiller an de verschidden Disziplinnen ze moossen. Insgesamt ware 15 letzeboier zu Podčetrtek um Rendez Vous.
De Weekend war och sportlech en kompletten Erfolleg. Spiller a Spillerinnen hunn en ganzen héijen Niveau gewisen a konnten och super Resultater verzeechnen.
Freides owes am Split Score Warm Up konnten sech den Louis Johnny an den Heyard Christian excellent Placéierungen erausspillen. Déi zwee konnten sech souverän duerch den Tableau spillen a konnten sech duerch hir staark Leeschtungen a verdéngte Victoiren um Podium platzeieren.
Louis Johnny 2. Platz am Warm Up Split Score & Heyard Christian 3. Platz am Warm Up Split Score
Am DYP konnt sech Klein-Kemp Sonny,mam Partner dem René Eidams, och eng staark Podium Placéierung sécheren. Sie hunn sech zesummen a spannende Partië géint éischtklasseg Géigner konnten duerchsetzen an hunn sech schlussendlech mat enger super 3.ten Platz belount.
Klein-Kemp Sonny & René Eidams 3. Plaatz DYP
Och an der Champions League ware letzeboier Spiller mat hirer Equipe um Freideg Owend am Asaatz. Et waren zwee ganz spannend an intensiv Matcher, wou sinn deen éischte Match, no enger ganz staarker Equippe Leeschtung, géint eng italienesch Equipe, vir sech entscheede konnten. Deen zweete Match gouf leider ganz knapp no engem haarde Kampf verluer.
Red Lions Luxembourg (LUX) 7 – 6 I Briganti (ITA)
Dvo United (CH) 8 – 5 Red Lions Luxembourg (LUX)
Mir felicitéieren all de Spiller an Spillerin fir hir ganz staark Leeschtungen, a mir sinn houfreg op déi héich Participatioun un dësem flotte Ranking.
Hoffentlech gesi mir eis all zu Porto um nächste Ranking erëm.
Elektronik Darts Federatioun Lëtzebuerg ass den 22ten Februar 2006 gegrënnt ginn an huet hire Siège social an der Gemeng Grevenmacher.
Eist Ziel ass et den Dartssport zu Lëtzebuerg ze förderen a méi bekannt ze maachen, woubäi mir Spiller an de Mëttelpunkt stellen an och honoréiere wëllen, wat si iwwert Saison ewech geleescht hunn.
Bei eis ass all Dartsspiller wëllkomm, dee Spaass um Dartssport huet an sech natierlech och um Nationale wéi Internationale Plang beweise well.
Mir, als EDFL, si berechtegt ënnert dem Daachverband vun der EDU, European Dart Union, un den Europäesche Rankingen, wéi och der EM oder WM, deelzehuelen. Zu dëse grousse sportlechen Evenementer stelle mir och eng Nationalequipe, Hären wei Damen, déi duerch eis alljährlech Ranglëschten ermëttelt gëtt.
Wanns du Loscht hues vir Darts ze spillen an en Club mat Kollege wëlls grënnen, hëllefe mir dir gär weider.
Mir freeën eis iwwer all Spiller deen sech vir den Dartssport begeeschtert.
Kontaktéier eis iwwer Facebook oder per mail info@edfl.lu
